Hundvin Naturbarnehage er ein privat barnehage midt i vakre omgjevnader på Hundvin. Sidan oppstarten i 2006 har vi hatt naturen som vår viktigaste læringsarena. Med om lag 32 plassar for barn i alderen 1–6 år, legg vi vekt på små grupper og tett oppfølging, der tryggleik, omsorg og glede er grunnmuren i kvardagen.

Barnehagen har både leikeplass og store naturområde med grillhytte, lavvo, bålhus og gapahuk. Her lagar vi måltid, har samlingar og gir barna tid til å bruke heile kroppen i leik og læring. Vi går turar på stiar, i skog og på trygge vegar, og stoppar ofte i Krokodilleskogen for å lese, undre oss og skape kunst i naturen.

Verdiane våre er tryggleik, omsorg og glede. Små grupper og tett foreldresamarbeid gir tryggleik og nære relasjonar. Omsorg viser vi gjennom å sjå og høyre kvart enkelt barn. Glede skapar vi med humor, frileik, lesestunder og gode tradisjonar gjennom året.

Hos oss får barna meistring, vennskap og minner for livet – ute, saman og i nær kontakt med naturen.